Анастасія Рыдлінская (польская мова)

Скончыла Рубяжэвіцкую сярэднюю школу, у якой, дарэчы, праводзіцца навучанне на беларускай мове.
Пазней скончыла Беларускі дзяржаўны ўніверсітэт, філалагічны факультэт па спецыяльнасці “Беларуская філалогія”.

Стажыроўкі:

- У БДУ дадатковым курсам вывучыла польскую мову.
- Прайшла месячную стажыроўку ва ўніверсітэце ім. Марыі Складоўскай-Кюры ў Любліне.
- Атрымала павышэнне педагагічнай кваліфікацыі “Имидж современного педагога” ( і гэта далёка не пра вопратку=))).
- Прымала ўдзел у форуме маладых настаўнікаў-спецыялістаў “Мост” у Мінску.

Іншыя месцы працы:

З 2013 па 2017 працавала ў “Сярэдняй школе №208 г. Мінска” як выкладчык беларускай мовы і літаратуры, дадаткова выкладала гурток польскай мовы.
З 2017 года працую ў Цэнтры (і бязмерна гэтаму радая=))
Пра астатнія месцы працы пісаць няма сэнсу (яны не звязаны з педагагічнай дзейнасцю).

Як бавіць вольны час:

Спосаб правядзення вольнага часу залежыць ад настрою і абставінаў. Люблю праводзіць вольны час з сябрамі і блізкімі мне людзьмі – тэатры, кіно, кавярні, выставы, паездкі на прыроду з намётамі. Увогуле толькі нядаўна адкрыла для сябе Беларусь, як гэта б дзіўна не гучала.
А, бывае, калі хочацца цішыні і спакою. У такія моманты здаюся ў плен сваёй канапе, рэлаксую, чытаю кнігі ці хаджу ў баню, дзе абнуляюся і набіраюся энергіі для наступнага тыдня.

Асаблівасці выкладання:

Для мяне галоўнае быць са студэнтамі на адной хвалі. Гэта значыць, стараюся зрабіць так, каб на занятках не было асобна “мяне” і асобна “студэнтаў”, а былі толькі “мы”. Для таго, каб пазбегнуць сумнага і нуднага завучвання “мы” гуляем, спяваем, малюем, а, бывае, нават і танцуем.